Ismail Kadare nominuar për “Çmimin Europian për Letërsinë 2014”, Amsterdam, Hollandë.

Ismail Kadare nominuar për “Çmimin Europian për Letërsinë 2014”, Amsterdam, Hollandë.

6 korrik 2014

Sipas botuesit të Kadaresë në Shqipëri, z. Bujar Hudhri, në janar të këtij viti, një juri e përbërë nga përfaqësues të 15 librarive më të mira në Holandë, zgjodhi një listë të gjatë prej 20 romanesh, të përkthyera në holandisht nga 12 gjuhë të ndryshme dhe të botuara gjatë vitit të kaluar. Nga kjo listë do të dalë fituesi i “Çmimit Europian për Letërsinë, 2014”, që Holanda do të japë për romanin më të mirë të huaj.

Juria, e përbërë nga profesori i Universitetit të Amsterdamit, Alexander Rinnooy Kan; shkrimtari Chris Taan Weijts; asistent profesor i Universitetit të Amsterdamit, Eric Metz; dhe librarët Joost Baars e Karien Hilbers, ka shpallur sot listën e shkurtër me 5 shkrimtarë, nga pesë gjuhë të ndryshme: spanjisht, gjermanisht, frëngjisht, polonisht dhe shqip.

Ja lista e shkurtër:

  • “E Penguara”, autor Ismail Kadare, përkthyer nga shqipja prej Roel Schuyt (Botues: Van Gennep)
  • “The flight”, autor Jesús Carrasco, përkthyer nga spanjishtja prej Arie van der Wal (Botues: Meulenhoff)
  • “The sermon on the fall of Rome”, autor Jérôme Ferrari, përkthyer nga frëngjishtja prej Jan Pieter van der Star dhe Reintje Ghoos (Botues: The Busy Bee)
  • “Fuck America”, autor Edgar Hilsenrath, përkthyer nga gjermanishtja prej Elly Schippers (Botues: Anthos)
  • “Pale Niko”, autor Tomek Tryzna, përkthyer nga polonishtja prej Karol Lesman (Botues: De Geus)

Çmimi Europian për Letërsinë do të jepet këtë vit për të katërtën herë. Ky çmim ka vlerën monetare prej 10 000 Euro për shkrimtarin dhe 5000 Euro për përkthyesin e librit fitues. Çmimi Europian për Letërsinë është një iniciativë e Fondacionit Holandez për Letërsinë, e qendrës akademike dhe kulturore, e librarive De Groene Amsterdammer dhe Athenaeum dhe financiarisht mbështetet nga Fondacioni Holandez për Letërsinë dhe Lira Fund.

Çmimi do të jepet në 7 shtator të këtij viti.

Për më shumë: www.nrc.nl/boeken/2014/06/03/carrasco-en-kadare-op-shortlist-europese-literatuurprijs-2014

0 replies

Leave a Reply

Want to join the discussion?
Feel free to contribute!

Leave a Reply

Your email address will not be published.